طبعا الكل خايف من ضياع تيران وصنافير وذهابهما إلي الحاج سعود إللي هي بالأساس رايحة صهيون ، هي مش حسبة برما ولا معضلة من المعضلات الرياضية ولا الفزيائية ، دي حاجة بسيطة وكل ما نمعن التفكير نلاقيها بسيطة واللغز بيتحل وهفهمكوا بكل بساطة ومش هتحسوا بالحقنة وأنا باديهالكوا ،السعودية متورطة في حرب اليمن ومطلوب إنها تتورط في حرب برية في سوريا ، حاجة كدة من باب تبديد القوة ، ممكن يكون حاجة من حاجتين لأما مكسور عنيهم وانتوا عارفين لما اليهود بيكسروا عين حد بيعملوا فيه إيه ، وأما إنهم عاوزين يتفشخروا فلوس بقي ، وعلي رأي المثل إللي بيقول إللي معاه قرش محيروا يشتري بيه جُزُر ولا جَزَر ويحطوا في البلاعة وعذراً إن كان المثل هربان مني علي قد حالي بقي وانتوا أكيد أدري مني ، بس طبعاً أنا رجل أحسب نفسي بفهم في السياسة فأرجح الرأي الأولاني موضوع كسر العين بس إزاي هما عارفين وبعدين هما اليهود والأمريكان هيغلبوا ، سيبونا من التهويش إللي تعمدناه الفترة الماضية ، ليه يا شطار ، لأن معندناش قادة عسكريين خائنين للوطن الخيانة مفترضة في الأخوان أو أي طائف سياسي أخر يشذ عن القاعدة ، أه من القاعدة دي ، أما القادة العسكريين لا يمكن يخونوا علي الإطلاق ومهما كانت المغريات لأنها عقيدة متجذرة في وجدانهم ليس بطريق الإكتساب والتمرن ولكنهم مولودين بها حاجة فطرية ، وموجودة عندهم أكثر من المدنيين ، عشان كدة بيحملوا أرواحهم علي كفوفهم ، يصدق هذا الأمر علي الزعيم مبارك والسيسي وأي قائد عسكري هيحكم مصر إلي أن يرث الله الأرض ومن عليها ، لكن الموائمات السياسية ممكن تخلي البعض مننا يعتقد إعتقادات أخري ، مثل بيع الأوطان وغيره ، لكن لتعلموا هذه القاعدة وعلي علم القاعدة دي من إختراعي وعلي علم إختراع ممكن يقلب موازين الفكر السياسي هههههههههههه،(أن من يعتقد أنه يستطيع أن يحيك مقلباً لأخر مَنْ يدريه من يأخذ المقلب ، فما يدرية أن يبتلع الأخر المقلب مؤقتأً ليبادره بمقلب يخرج من مخاشيشه ، يعني من الأخر تعتقد إنك بتعمل مقلب لواحد تلاقي هذا الأخر من غير متدري هبدك قلم علي قفاك ).
أنا كنت عاوز أقف عند هذا الحد لأن المصريين أصحاب فطنة وذكاء ودهاء ، مش أصحاب فتة وكبسة معيز وليالي عم شهريار ويتجوزا علي مدار حياتهم يجي ١٥٠ مزة ويا ريتهم فالحين هههههههههههه، لكن أنا لازم أوضح عشان إللي بيربوا المعيز يفهموا عشان فهمهم علي قدوا .
القصة إيه إحنا بنفتش السفن اللي بتدخل وتخرج من خليج العقبة ولنا حق التعقب ده طبعا بيتم عن طريق تعاون مشترك ما بين UN وقوات من الجيش المصري ، اللعبة إيه أن تنزع يد مصر وتغلها عن هاتين الجزيرتين وطبعاً السعودية ولا هتفتش السفن ولا حاجة وهي دي اللعبة فيعتقدوا إنهم لما يغرقوا مصر بالفلوس إللي البهايم بتوع الإخوان بيسموه رز ، هنفرح ونظقتط ، لكن الموضوع مش كدة والسيسي فاهم ده كويس ، وإنهم هيمتلكوا الأرض وبكل سهولة بنفس الطريقة الدولة المصرية كسلطة حاكمة لعبت معاهم ومشيت في نفس الإتجاه بس الحلو إللي يكمل ويسيطر ولم ولن يسيطر إخوان صهيون وأعوانهم .
طيب ليه الرئيس عبد الفتاح السيسي بيعمل ده ، هقولكوا ليه ، رعاة المعيز كل شوية يروحوا الأمم المتحدة يرموا لهم ورقة عاوزين نسترد الجزيرتين عاوزين نسترد الجزيرتين عاوزين نسترد الجزيرتين ، شغل أطفال ، وللأسف هما مجبرين علي كدة وأنتوا أكيد عرفتوا السبب إيه ، وطبعا السيسي بيقود دولة وكله ماشي بقوانين الرشيدي الميزان ودي حلاوتك يا كوتش علي رأي عم غسان مطر الله يرحمه ونزود من عندنا دي حلاوة بجد مش حتة كويتش ، أه السيسي بيعمل ده مش عشان إنه مجبر إنه يعمل ده ، لا عشان ده من باب التكتكة .
طيب هقولكوا علي حاجة يمكن غايبة وهربانة من البعض ، إنتوا مش ملحظين إن البهوات بتوع المعيز أول ما خدوا موافقة مبدأية علي ترسيم الحدود وإن داخل فيها الجزيرتين بدأوا يسوقوا الموضوع علي إن الجزيرتين بقوا بتوعنا وإن مصر تنازلت خلاص ، علي الرغم إن كل ده أمور أولية وليست نهائية ومختلف عليها لأن لسة في برلمان ولو البرلمان وافق هيبقي في الخبور بتاع المادة ١٥١ من الدستور عشان الموضوع ده من أعمال السيادة ولازم يتعرض علي الشعب في إستفتاء ، السيسي كان لازم يمرر الموضوع عن طريق لجنة وعادي رئيس الوزرا يوقع إنتوا عارفين ليه، عشان السيسي مش مبارك وهشرح ليكوا ، أنا خايف تكونوا نمتوا مني .
مبارك كان مثبتهم أه والله بس مش التثبيت بتاع ميِمِس هو مش كان إسمه ميمس برضوا في فيلم أمير البحار ، مبارك كان محترم كان منيم لهم الملف ووخدهم علي قد عقلهم عارف إنهم بتوع معيز مبيفه،،،،،،،وش يقوم عامل طيب إعمل لجنة فلجنة فلجنة وهلوما جرا وورق أهوا مرمي في الدرج والعلاقات زي الفل ، لكن يظل الملف مفتوح ، يجي بقي الباشا السيسي له فكر جديد ومختلف ، وكل شيخ ليه طريقته ، قال إقطع عرق وسيح دمه ونخلص بقي من أم الملف اللي عملينا صداع وكارلوا في دمغنا ، أصل الصهاينة كل شوية يزنوا علي دماغ الحاج سعود بس وفقا للهوي المصري والعقيدة المصرية ونلف وندور والأرض تظل ملكا لمصر ولو اتنطط السعوديين ووقفوا علي دماغهم .
طبعا مينفعش أتكلم في أكتر من كدة أكيد في حدود مقدرش أعديها ، لكن عشان تطمنوا الموضوع قبل يوم ٢٢ إبريل المجلس هيخلصوا لصالح العدل والحق العدل والحق أكرر العدل والحق وأظن إنتوا فاهمين .
الله عليك يا ريس .
عاشت مصر حرة أبية كاملة السيادة
